সোমবার, ১৭ অগাস্ট ২০২৬, ০৩:৫১ পূর্বাহ্ন
শিরোনাম :
গাবুর হইছে মাইকোনা -ইসমত আরা
ইসমত আরা
- প্রকাশিত : বুধবার, ২২ মে, ২০২৪
গাবুর হইছে মাইকোনা -ইসমত আরা
গাবুর হইছে মাইকোনা -ইসমত আরা
গাবুর হইছে মাইকোনা মোর ঘটক আইসে ঘনো
এত করি কঙ বাহে না আইসেন আর শুনো-
বদলি গেইছে দিন এলা, ছ্যাকাপাড়া, ছাইয়ের
কোটে এলা দিন অভাবি , দিন প্যাটের ভোকের!
ঢেমশি গুড়া,ভাতের মাড়,জোমার ছাতু খেয়া
দিন ফুরিয়া দিন হামার, আইচ্ছে এলা নয়া।
ছাওয়া হামার আইয়ে বিয়ে পড়ইবে মেলা কনুঙ
না আইসেন আর, দোহাই তোমার, মাতার কিরা দিনু!
যাও মিয়াভাই, মাই হামার শুনিলে হইবে গোসা
হাউশত একনা ফোন কিনি হইছে খানেক নিশা।
অইঠে উয়ায় দিন কাটে, মেলা পড়ার টানে।
মূরখ সুরক মানসি হামরা , কি বুজি তার মানে।
দাদী উয়ার নাতি জামাই দেখির চেয়া কত!
মরি গেলো তাও না দিনুঙ পড়াম পড়ার মত!
তোমাগিলার অইত্যাচরত এবার বুঝি যায়
মাই হামার সেই সুন্দরী টিক টকো ফির পায়!
মোবাইলকোনা ধরি বইসলে দ্যাখঙ আগত অকে,
ঢককোনা যে উচলি পরে সগার মুখে মুখে!
কিন্তু ক্যাম্বা অর বাপে কয়, দেখি থুবু ছাওয়াক,
ক্যানে বুজান অনন্তন কতা কইলে ছাওয়ার বাপ!
এ জাতীয় আরও খবর
Leave a Reply